Инфо-Код, во соработка со своите партнери од Datalab, на 7 ноември 2025 година во хотел DoubleTree by Hilton – Скопје, успешно го одржа деловниот настан посветен на „Дигитализацијата како клучен фактор за современ бизнис“. Настанот беше наменет за производствените компании како и компаниите кои оперираат со магацинско работење, но и менаџери и ИТ експерти кои сакаат да ги унапредат своите деловни процеси преку современи дигитални решенија.
Во рамките на програмата беа опфатени неколку клучни теми:
-
Дигитализацијата како предуслов за опстанок и раст на компаниите во денешните динамични услови;
-
Интеграцијата на SSS WMS и Pantheon ERP како целосно решение што ги покрива сите фази во производството и магацинското работење;
-
Мобилна ефикасност и следливост, преку демонстрација на WMS модулите за производство и контрола на квалитет;
-
Следлива логистика, со нагласување на имплементацијата на GS1 стандардите и SSCC баркодовите за целосен увид во ланецот на снабдување.
Инфо-Код ги презентираше своите решенија за автоматизација и идентификација со баркод и RFID технологии (преку SSS WMS), кои во комбинација со ERP системот Pantheon претставуваат силна основа за дигитална трансформација на секој бизнис.
Ова беше одлична можност да ги споделиме нашите знаења и искуства со бизнис заедницата и уште еднаш да ја потврдиме нашата посветеност за поддршка на компаниите во нивниот пат кон оптимизација и раст.
Преку вакви настани, Инфо-Код ја продолжува својата мисија да ги поврзува технологијата и практичните деловни потреби, создавајќи решенија што ја поттикнуваат ефикасноста, конкурентноста и развојот на домашната економија.
Повеќе детали за настанот ќе најдете и на веб-страниците на Datalab и SDK.